წევრობა

წევრები

საქართველოს მეწარმეთა კონფედერაციის წევრობა

საქართველოს მეწარმეთა კონფედერაციაში გაწევრიანება შეუძლია ნებისმიერ კომპანიას, რომელიც საკუთარი ბიზნესის წარმატებით და ქვეყანაში ერთიანი ბიზნეს გარემოს გაუმჯობესებით არის დაინტერესებული.

წევრობის პრივილეგიები

• კომპანიის ინტერესების დაცვა და ლობირება
• საერთაშორისო ბიზნესკონტაქტების დამყარება
• საზოგადოებრივ შეხვედრებში მონაწილეობა
• საინფორმაციო მხარდაჭერა
• მუდმივადგანახლებად მონაცემთა ბაზაში კომპანიის შესახებ ინფორმაციის და ბიზნესწინადადებების განთავსება და მარკეტინგი
• ელიტარული ბიზნეს კლუბის წევრობა

წევრობის კატეგორიები

წევრობის კატეგორიები დადგენილია საქართველოს მეწარმეთა კონფედერაციის წესდებით. წევრის კატეგორია განსაზღვრავს გადაწყვეტილების მიღების პროცესში ხმის უფლებას, წლიური საწევრო გადასახადის ოდენობას და დადგენილი პრივილეგიებით სარგებლობის უფლებას.

სრულუფლებიანი წევრობა

კონფედერაციის სრულუფლებიანი წევრი მონაწილეობს კონფედერაციის საქმიანობაში და გადაწყვეტილების მიღებისას სარგებლობს ხმის უფლებით. ასევე შესაძლებლობა აქვს მონაწილეობა მიიღოს საერთაშორისო ბიზნეს ასოციაციების (UBCCE, CEOE და ა.შ) მიერ ორგანიზებულ სხვა და სხვა ღონისძიებებში.

სრულუფლებიანი წევრი ავტომატურად ხდება კონფედერაციის ბიზნეს კლუბის წევრი.

ბიზნეს კლუბის წევრობის პრივილეგიები

• საკონფერენციო დარბაზით (50 კაცზე) უფასოდ სარგებლობა თვეში ერთხელ;
• LSD მონიტორის გამოყენება თვეში ერთხელ;
• ადგილზე მობილური ოფისით სარგებლობა;
• მოლაპარაკებათა დარბაზში პრივატული ბიზნეს შეხვედრების ჩატარების შესაძლებლობა შეუზღუდავი რაოდენობით წინასწარი დაჯავშვნის პირობით;
• კონფედერაციის მაღალკვალიფიციური პერსონალის დახმარება ეფექტური ბიზნეს კონტაქტების დამყარებაში;
• კონფედერაციის ოფისში არსებული პირადული ინდივიდუალური სეიფების გამოყენება;

• კონფედერაციის ბიზნეს კლუბის რეგულარულ საზოგადოებრივ და მოწვეულ სტუმრებთან (სპიკერებთან) შეხვედრებში მონაწილეობა;
• კონფედერაციის შიდა მყუდრო და კომფორტული ბარის მომსახურება.

კონფედერაციის სრულუფლებიანი წევრის წლიური საწევრო გადასახადი არის 1000 აშშ დოლარის ექვივალენტი ეროვნულ ვალუტაში.

ასოცირებული წევრობა

კონფედერაციის ასოცირებული წევრი მონაწილეობს ასოციაციის მიერ ორგანიზებულ ყველა ღონისძიებაში და იღებს კონფედერაციის მაღალკვალიფიციური პერსონალის დახმარებას ეფექტური ბიზნეს კონტაქტების დამყარებაში, თუმცა გადაწყვეტილების მიღებისას არ სარგებლობს ხმის უფლებით.

კონფედერაციის ასოცირებულ წევრს კონფედერაციის ბიზნეს კლუბი სთავაზობს შეღავათიან ტარიფებს შემდეგი სახის მომსახურებისთვის:

• საკონფერენციო დარბაზით (50 კაცზე) სარგებლობა;
• LSD მონიტორის გამოყენება;

კონფედერაციის ასოცირებული წევრის წლიური საწევრო გადასახადი არის 400 აშშ დოლარის ექვივალენტი ეროვნულ ვალუტაში.

გაწევრიანების პროცედურები

კონფედერაციის წევრობის მსურველმა კომპანიამ უნდა:

• შეავსოს განაცხადის ფორმა და გამოგზავნოს მისამართზე: membership@gec.ge
• გაეცნოს და ხელი მოაწეროს კონფედერაციის ქცევის კოდექსს;
• გადაიხადოს საწევრო გადასახადი.

კონფედერაციის საბჭო განიხილავს განაცხადს და დადებითი გადაწყვეტილების შემთხვევაში კომპანიას გადაეცემა კონფედერაციის წევრის სერტიფიკატი. დამატებითი ინფორმაციისთვის მიმართეთ კონფედერაციის სამდივნოს. ტელ: 33 30 09

კონფედერაციის ლოგოს გამოყენება

კონფედერაციის ლოგო წარმოადგენს ლიცენზირებულ პროდუქტს და მისი გამოყენების უფლება აქვთ მხოლოდ კონფედერაციის წევრ კომპანიებს. სხვა კომპანიების მიერ კონფედერაციის ლოგოს გამოყენება აკრძალულია. აკრძალულია ლოგოს კომერციული ან პირადი ფინანსური მოგების მიზნით გამოყენება.

კონფედერაციის წევრებს უფლება აქვთ განათავსონ კონფედერაციის ლოგო საკუთარ ვებ გვერდზე ან გამოიყენონ რაიმე სახის ინფორმაციული პროდუქტის გავრცელებისას.

კონფედერაციის ლოგოს კომერციული ან ფონდების მოზიდვის მიზნით გამოყენებისთვის წევრმა კომპანიამ უნდა აცნობოს კონფედერაციას.